Месяц: Июнь 2022
2022-2023 ուս․ տարվա ծրագիր
5 տարեկանների ծրագիր
Ծրագրի խնդիրները
Կրթություն կյանքով, կյանքի համար
Սաների ինքնուրույնության, ինքնաբավության ունակությունների զարգացում.
Սաների կրթության կազմակերպում զարգացնող, հիգիենիկ, անվտանգ միջավայրում.
Ուսումնական գործունեության բովանդակությանը ներկայացվող պահանջներ.
Ոչ թե դասացուցակային առարկայական ուսուցում և ինֆորմացիայի հաղորդում, այլ`
զարգացում ամենօրյա ազատ, ստեղծական, տարաբնույթ գործունեության արդյունքում.
Կենդանի շփման, սեփական փորձի միջոցով հմտությունների, կարողությունների,
գիտելիքի ձևավորում: ՏՏ միջոցների (էլեկտրոնային գրատախտակ, համակարգիչ,
ֆոտոխցիկ, ձայնագրիչ, հեռախոս,) գործնական կիրառում:
Էլեկտրոնային զարգացնող խաղերի, պարզագույն ծրագրերի ամենօրյա գործածման միջոցով համակարգչային գործառական հմտությունների ձևավորում.
Ուսումնական գործընթացի արդյունքում ուսումնական նյութերի ստեղծում.
Սաների ուշադրության, դիտողականության,կողմնորոշվելու, կենտրոնանալու,
սոցիալական միջավայրում շփվելու, համագործակցելու կարողությունների ձևավորում և զարգացում.
Հետազոտելու, ուսումնասիրելու, սեփական հարցերի պատասխանն ինքնուրույնփնտրելու և գտնելու սովորության ձևավորում:
Ծեսերի, երաժշտական և ազգային խաղերի, բանահյուսական նյութերի միջոցովազգային մշակույթի փոխանցում:
Ծրագրի իրականացման նպատակները
Խոսքի (բանավոր, մեդիագիր, շարժումի լեզու, նշաններ, նկարներ, մնջախաղ,
տառաճանաչություն–գրագիտություն).
Ստեղծագործական երևակայության զարգացում գործունեության բոլոր ձևերով.
Մաթեմատիկական հասկացությունների, բնագիտական փորձի ու գիտելիքների
ձևավորում և զարգացում
o Հիշողության զարգացում, կողմնորոշում ժամանակի և տարածության մեջ
(առջևետև, տակ–վրա, աջ–ձախ, երեկ–այսօր–վաղը, օրվա պահերը…).
o Տարածության և ժամանակի մասին պատկերացումների ձևավորում.
Խմբավորում ըստ հատկանիշների.
o Չափումներ կատարելու հմտությունների ձևավորում և զարգացում.
բանավոր հաշիվ.
o Առարկաների խմբին առարկա ավելացնել–պակասեցնել
o Համեմատում. առարկաների, մեծությունների , պատկերների, խմբերի համեմատություն
o Ամբողջի, մասի գաղափար.թվաբանական գործողություններ կատարելու հմտությունների ձևավորում
o Բնության, շրջակա միջավայրի և կենդանիների խնամքի և պահպանության փորձի, մշակույթի ձևավորում.
o Ծանոթացում պարզագույն երկրաչափական մարմիններին և պատկերներին:
Գեղարվեստական–տեխնոլոգիական զարգացում
o Ամնենօրյա երաժշտական գործունեություն
o Առավոտյան ծես՝ ամբողջական, ինտեգրացված ուսուցման միջոց
o Կերպարվեստ, քանդակ, ծեփ
o Սաների մարզական գործունեության կազմակերպումը իրականացվում է
որպես մարմնակրթական մատծողության (մշակույթի) ամբողջական համակարգ.
o Ամենօրյա ֆիզիկական գործունեություն
o Մարմնամարզություն
o Լողուսուցում. ամառային մանկական լողափին, փակ լողավազանում
o Մարզական խաղեր.
o Ազգային – ծիսական, բակային, երաժշտական խաղեր.
o Պար–պլաստիկա.
o Մարմնի հիգիենա:
Ուսումնական նյութերին ներկայացվող պահանջներ
Նախապատրաստական դասարանում օգտագործվող ուսումնական նյութի
բովանդակությունը բխում է կրթահամալիրի զարգացման ծրագրից:
Ուսումնական նյութը
Բարձրաճաշակ է, դասական.
Զարգացնում է սաների լեզվամտածողությունը, աշխարհաճանչողությունը.
Նպաստում է սաների ստեղծագործական երևակայության զարգացնմանը.
Համապատասխանում է սաների տարիքային առնձնահատկություններին,
հետաքրքրություններին, մտավոր ունակություններին.
Նպաստում է սաների ստեղծագործական երևակայության զարգացմանը, ստեղծական
աշխատանքով զբաղվելու կարողության ձևավորմանն ու զարգացմանը.
Կրթահամալիրի կայքն ու ենթակայքերն օգտագործվում են որպես ուսումնական միջավայր.
Բացառվում է ուսումնական նյութի պասիվ անգիր ուսուցումը:
Դասարանի ղեկավարը ՝ դասվար (դասավանդող)
Ընդունվում է համապատասխան վերապատրաստումն ու մրցույթն անցնելուց հետո:
Դասարանի սաների գործունեության կազմակերպիչն ու Ծրագրի իրականացման
պատասխանատուն է:
Ունի անհատական թվային ուսումնական գործիքներ՝ տանը և դպրոցումհամացանցին միացված համակարգիչ, լուսանկարչական ապարատ, ձայնագրիչ, բջջային հեռախոս.
Ազատ տիրապետում է հայերեն գրավոր և բանավոր խոսքին.
Տեխնիկապես գրագետ է՝ ազատորեն օգտվում է ՏՏ միջոցներից, դրանք կիրառում է
աշխատանքում, առօրյայում.
Ունի անհատական ուսումնական բլոգ և ակտիվ վարում է այն.
Համացանցի, բլոգի, skydrive-ի, hօtmail –ի,
սոցցանցերի միջոցով կազմակերպում է ծնողական կրթություն,
Ծնողների, սաների հետ միասնական աշխատանքներ է ստեղծում, տարածում է
տեղեկատվություն կրթահամալիրի մասին.
Տիրապետում է նվազագույնը մեկ օտար լեզվի.
Երգում է. պարում է. լողում է. ստեղծագործում է.
Հետազոտական աշխատանքներ է կատարում (հոդված, դիտարկում,
թարգմանություն, ուսումնական նյութի ստեղծում).
Մասնակցում է կրթահամալիրի Ուսումնական օրացույցով նախատեսված
ստուգատեսներին, փառատոներին, ճամփորդություններին.
Առնըվազն մեկ օր առաջ իր էջում տեղադրում է օրվա աշխատանքային նախագիծը.
Գործունեության արդյունքում ստեղծված նյութերը տեղադրում խմբի էջերում կամբլոգում, հրապարակում դպրոցի կայքում.
Սանի ազատ, ինքնաբուխ գործունեության ակտիվ մասնակիցն ու դիտարկողն է.
Ուղղորդում է սանի գործունեությունընպաստելով նրա ֆիզիկական, մտավոր, հոգևոր, սոցիալական զարգացմանը, հետաքրքրում է, շահագրգռում, ոգևորում, խրախուսում է սաներին, մղում ավելին անելու. օգնում է սանին բացահայտելու իրողջ ներուժը : Խրախուսում է գնալ այնքան հեռու, որքան թույլ են տալիս նրա
անհատական հնարավորություններն ու ճանաչողական զարգացումը` դրանով
նպաստելով նրա առաջընթացին, ինքնավստահության զարգացմանը, նրա
կայացմանը. Սանը միշտ համոզված է, որ իրեն հասկանում են և գնահատում, որ
ինքը հարմարավետ միջավայրում է:
Հարգում է սանի ազատությունը և արժանապատվությունը.
Դասվարը տիրապետում է բոլոր այն հմտություններին և կարողություններին,
որոնք ձևավորվում և զարգացվում են նախակրթարանում:
Դասվարի գործառույթները
Դասարանի գործունեության կազմակերպիչն ու Ծրագրի իրականացման պատասխանատուն դասվարն է.
Դասվարի գործունեությունը համակարգվում է համապատասխան կարգով, նրան
մեթոդական աջակցություն է ցուցաբերում տնօրենը, ծրագրի համակարգողը.
Դասվարը
Ունի համացանցին միացած անհատական համակարգիչ, թվային ֆոտոխցիկ, ձայնագրիչ, անարգել օգտվում է կրթահամալիրի գրադարանի հնարավորություններից.
Ծրագրի համակարգողի և մասնագետների աջակցությամբ որոշում է ուսումնական
պարապմունքների բովանդակությունը, կազմում աշխատանքային նախագիծ(ամսական, օրական կամ շաբաթական), ստեղծում ուսումնական նյութեր, ապահովում
նախապատրաստական ուսուցման համար համապատասխան միջավայր.
Պատասխանատու է դպրոցում գտնվելու ընթացքում սովորողի անվատանգության,
միջավայրը մշտապես հիգիենիկ վիճակում պահելու, սովորողի ինքնուրույն
գործունեության, ինքնասպասարկման, տեխնոլոգիական հմտությունների և
ստեղծականության զարգացման, սովորելու ցանկությունը շարունակ զորացնելու
համար:
Դասվարի աշխատանքային գործունեությունն արտացոլվում է Skydrive-ում և դաստիարակի անձնական բլոգում.
Դասվարն իր բլոգում տեղադրում է օրվա աշխատանքային նախագիծը , որտեղ նշում է
անհրաժեշտ ուսումնական տեխնիկական միջոցները, օգտագործվելիք ուսումնական նյութերը և նախապատրաստում դրանք հաջորդ օրվա գործունեության համար, անհրաժեշտության դեպքում համացանցային համապատասխան էջի հղումն է տալիս, օրվա խնդիրները և դրանց իրականացման ձևերը:
Սովորողի ծնողի հետ մշտապես պահպանում է գործընկերային հարաբերություններ,
նպաստում նրա մանկավարժական կրթությանը, սովորողի գործունեության մասին
տրամադրում ամբողջական տեղեկություններ, ծնողին մասնակից դարձնում
դասարանի գործունեության կազմակերպմանն ու իրականացմանը, նյութական
միջավայրի բարելավմանը:
5 տարեկանների ուսումնական պլան
«Իմացումի հրճվանք» ծրագրի 5-6 տարեկանների ուսուցում
Ուսումնական պլան
Ուսուցման 1-ին առաջին տարի
Ուսումնական պլանի բաղադրիչներն են.
• մայրենի խոսքի զարգացում
• երգ-պար
• թվաբանություն
• բնագիտություն
• կերպարվեստ և տեխնոլոգիա
• մարմնակրթություն, լող
• ռուսերեն, անգլերեն
• մեդիատեխնոլոգիաներ
• ուսումնական ներքին և արտաքին տարածքների ամենօրյա խնամք
- Ուսումնական պլանը «Ստեղծողի մոբիլ դպրոց» հեղինակային (պետական այլընտրանքային) կրթական ծրագրի (այսուհետ՝ Ծրագիր), սովորողի ուսումնառության պայմանագրի հավելվածն է։
- Կրթական ծրագիր ընդունվում է երեխան (այսուհետ՝ սովորող), ում 5 տարին լրանում է մինչև 2019թ. դեկտեմբերի 31-ը, ծնողն (օրինական ներկայացուցիչը) ընտրում է ծրագիրը և սահմանված կարգով կնքում ուսումնառության մասին պայմանագիր:
- Դասարանում սովորողների թիվը 20-25 է։
- Ուսուցումը կազմակերպվում է ուսուցողական թվային միջոցներ կիրառելով։ Դասավանդողը, սովորողը դպրոցում գործածում են սահմանված տեխնիկական պայմաններին բավարարող անհատական նեթբուք-նոթբուք կամ պլանշետ, տանն ունեն համացանց։ Ծրագիրը դպրոցում ապահովում է անլար ինտերնետից, համակարգչից, էլ.գրատախտակից, ձայնագրիչից, ֆոտոխցիկից ուսումնական նպատակներով անարգել օգտվելու հնարավորություն։
- Մեդիագրադարանը, մասնաճյուղի կայքը, դասվարի բլոգը, դպրոցի գրադարանը սովորողին տանը, դպրոցում ապահովում են անհրաժեշտ ուսումնական էլեկտրոնային և տպագիր նյութերով, միջոցներով։
- Ուսումնական տարին կազմակերպվում է կրթահամալիրի, դասարանի տարեկան ուսումնական օրացույցով։ Դրանցով են որոշվում ուսումնական գործունեությունները, ստուգատեսները, ծեսերը և տոները։
- Սովորողի ֆիզիկական-ֆիզիոլոգիական, առողջական, սոցիալական վիճակի տվյալները, դրանց փոփոխությունները, սովորողի մասին անհրաժեշտ այլ տեղեկություններ սահմանված կարգով էլեկտրոնային գրանցում են ստանում։
- Ուսումնական շաբաթը 5-օրյա է։
- Գործունեության բոլոր ձևերը միավորվում են «Իմացումի հրճվանք» ծրագրում, որը ղեկավարում է դասվարը՝ իր օգնականի հետ։
- Ուսումնական օրը ներառում է Ծրագրի 15 րոպե տևողությամբ ընդհանուր պարապմունք՝ սահմանված կարգով և ծրագրով։
- Ուսումնական գործունեության կազմակերպման մեջ սահմանված կարգով կիրառվում է հեռավար-ընտանեկան ուսուցման ձևը։
- Մայրենի խոսքի զարգացումն իրականացվում է անընդհատ՝ խթանելով սովորողի ինքնարտահայտվելու ցանկությունը։ Թատերական, երաժշտական խաղերը, ներկայացումները, բանաստեղծությունների բերանացի անելը, հեքիաթների ունկնդրումն ու քննարկումները խոսքի զարգացման կազմակերպման ձևեր են։ Գրավոր խոսքի ուսուցումն ու զարգացումը կազմակերպվում է երրորդ շրջանից՝ բանավոր գործունեությանը զուգահեռ՝ անընդհատ բավարարելով սովորողի գրել-կարդալու պահանջն ու անհրաժեշտությունը։
- Անգլերենի և ռուսերենի ուսուցումն իրականացնում են ուսումնական առաջին, երկրորդ շրջաններում դասվարը՝ մուլտֆիլմերի, ուսուցողական ֆիլմերի, երգերի ունկնդրմամբ, էլեկտրոնային խաղերով, երրորդ շրջանից՝ նաև անգլերենի, ռուսերենի դասավանդողներ։
- Բնագիտական գործունեությունը կազմված է «Իմ խնամած բույսերը», «Իմ խնամած կենդանիները» ուսումնական նախագծերից։ Բնագիտության ուսուցում իրականացվում է նաև բնության, բնական երևույթների ամենօրյա դիտարկումների, ուսումնական ագարակում իրականացվող նախագծի, ուսումնական ճամփորդությունների միջոցով։
- Թվաբանությունն ամենօրյա գործունեություն է՝ բանավոր հաշվարկի, չափումների, համեմատությունների, համադրումների և հակադրումների ձևով։
- Երաժշտական գործունեությունը ներառում է երգ, պար, երաժշտության ունկնդրում, ռիթմիկա-շարժում, երաժշտական գործիքների հետ ծանոթացում, երաժշտական խաղեր, պարերգեր։
- Մարմնակրթությունն իրականացվում է ամենօրյա մարզական գործունեությամբ՝ մարմնամարզություն, եռամարտ՝ լող, հեծանվավարություն, վազք, մարզական և բակային խաղեր։ Լողալ կարողանալը պարտադիր ուսումնական կարողություն է, որ կազմակերպվում է շաբաթական մեկ անգամ փակ լողավազանում, սեպտեմբերին և հունիսին՝ նաև բացօթյա։
- Կերպարվեստ և տեխնոլոգիա գործունեությունը ներառում է նկարչությունը, ծեփը, խոհանոցային, բակային աշխատանքի, շրջակա միջավայրի խնամքի և ինքնասպասարկման աշխատանքի, ծեսերի, ներկայացումների, խաղերի, ստուգատեսների ընթացքում ձեռք բերած հմտությունները։
- ՏՀՏ-ն հմտությունները ձեռք են բերվում ուսումնական գործունեության ընթացքում։
- Լրացուցիչ կրթությունը դաշնամուրի, պարի, թատրոնի, կերպարվեստի, խեցեգործության, շախմատի, լողի, մարմնամարզության, թեթև ատլետիկայի ուսումնական գործունեությունն է, որոնց կազմակերպման համար սովորողի ծնողի հետ կնքվում է լրացուցիչ կրթության պայմանագիր՝ որպես ուսումնառության պայմանագրի հավելված։
- Ամբողջ գործունեությունը սահմանված կարգով կազմակերպվում է հիգիենիկ, այդ թվում՝ բացօթյա, միջավայրում։
- Սահմանված կարգով իրականացվող ուսումնական ճամփորդությունները ուսումնական գործունեության բաղկացուցիչն են։
- Կրթական ծրագիրն ապահովում է սովորողի ամբողջական ներառում։
- Սովորողի ուսուցում-զարգացումը կազմակերպվում է նաև տանը՝ ընտանեկան նախագծերի միջոցով, ծնողների մասնակցությամբ։
- Սովորողների ամենօրյա գործունեությունը դասվարը, նրա օգնականը պարբերաբար ներկայացնում են իրենց ուսումնական բլոգներում, անհատական արժեքային համակարգի, հմտությունների, կարողությունների որակական բնութագիրը, ցուցանիշները, ծնողի մասնակցությամբ, գրանցվում են սովորողի աճի և զարգացման դիտարկման թերթիկում։
- Սովորողի ուսումնական գործունեության այլ արդյունքները սահմանված կարգով ներկայացվում են ամենամսյա ստուգատեսներում (ամսիկներ), ներկայացումներում, ցուցահանդեսներում։
- Հուլիս–օգոստոս ամիսներին սովորողը կարող է մասնակցել «Ամառային պարտեզ» ծրագրին։
«Իմացումի հրճվանք» ծրագրի 2022-2023թթ․ ուսումնական օրացույց
Օգոստոսի 22-31՝ մանկավարժական օգոստոսյան բաց ճամբար
Օգոստոսի 31՝ 2022-2023 ուսումնական տարվա, ուսումնական առաջին շրջանի մեկնարկ կրթահամալիրի դպրոցներում, քոլեջում
Սեպտեմբերի 1-ից՝ ուսումնական առաջին շրջանի պարապմունքներ
Սեպտեմբերի 1՝
- «Գիտելիքի օրը բարձունքին» նախագծեր
- «Գիտելիքի օրը Երևանում, Հայաստանում» ընտանեկան նախագծեր
Սեպտեմբերի 1-15՝
- «Ես» ուսումնական նախագծի մեկնարկ
- «Չամիչ» ուսումնական TV մեկնարկ
- «Լողափնյա աշուն» բաց, բացօթյա ճամբարներ դպրոց-պարտեզներում
- Դպրոց բնության գրկում. ուսումնական բաց-բացօթյա նախագծեր դպրոցներում
Սեպտեմբերի 4՝ կրթական շքերթ
Սեպտեբերի ․․․՝ հեղինակային կրթական ծրագրի բաց ցանցի սեպտեմբերյան ամենամյա ստեղծագործական հավաք
- 2022-2023 ուստարվա առաջին շրջանի, շուրջտարյա ուսումնական նախագծերի ներկայացում
- հայրենագիտական-արշավախմբային մեկօրյա. «Անկախության տոն. բարձունքների նվաճում» նախագծեր
Սեպտեմբերի 25-հոկտեմբերի 9՝ Կոմիտասյան օրեր
Հոկտեմբերի 3-4՝ ուսուցչի տոնը բարձունքին
Հոկտեմբերի ․․․՝ Խնկոյանական օրեր
Նոյեմբերի ․․․
- «Ուսումնական աշուն» նախագիծ
- դպրոց բնության գրկում
- մանկավարժական աշնանային բաց ճամբար
Նոյեմբերի 2-30՝ Սեբաստացու օրեր. կրթահամալիրի տոնը
Ուսումնական մառան նախագիծ
- Թթուդրիկի ծես
- Լավաշթխիկի ծես
- Շարոց թաթխիկ-սուջուխի ծես
Նոյեմբերի ․․․՝ Հարիսայի ծես սեբաստացի բաց համայնքում
Դեկտեմբերի 1-․․․՝
- «Լույսեր, գույներ, ղողանջներ, մեղեդիներ, ազդեցություններ». ելքի ու մուտքի ստուգատես. ամանորի տոնախմբություններ
Դեկտեմբերի ․․․՝
- մանկավարժական ձմեռային բաց ճամբար
Դեկտեմբերի ․․․ — 2023թ. հունվարի 7՝ «Ուսումնական ձմեռ» նախագիծ
Հունվարի 5-6՝ Սուրբ Ծնունդ
Հունվարի 8՝ ուսումնական երկրորդ շրջանի մեկնարկ
Հունվարի 8-31՝ նախագծային ուսուցման ուսումնական ճամբարներ կրթահամալիրի դպրոցներում. ամենամյա բաց հանրակրթական ստուգատեսներ.
- Հանրակրթական Դիջիթեք 2022. թվային ուսուցման միջոցներով ուսուցման նախագծերի և մեթոդների
- բնագիտության և տեխնիկական ստեղծագործության նախագծերի
- մարմնամարզական նախագծերի
- ձմեռային մարզական խաղերի
- ազգագրական ձմեռային փառատոն
Հունվարի …՝ Դդմածես նախագիծ — ղափամա
Փետրվարի 1՝ ուսումնական երրորդ շրջանի մեկնարկ
Փետրվարի 1-մարտի 13՝ «Կարդում ենք Թումանյան» ստուգատես
Փետրվարի…` « Տիառնընդառաջ-Բարեկենդանի ծես »
Մարտի 1-ապրիլի 9՝
- «Ձոն». տեխնոլոգիական նախագծերի ստուգատես
Մարտի ․․․`
- «Ուսումնական գարուն» հեռավար-առցանց նախագծեր
- մանկավարժական գարնանային բաց ճամբար (հեռավար-առցանց)
- կրթական փոխանակումներ, ուսումնական ճամփորդություններ, ճամբարներ
Ապրիլի ․․․՝ « Զատիկածես »
Ապրիլի ․․․՝ «Աղայան-Ռոդարի» նախագիծ
Մայիսի ․․․՝ հեղինակային կրթական ծրագրերի ամենամյա մայիսյան հավաք
Մայիսի 1-ից՝ « Ես կարողանում եմ, Ելք ստուգատեսներ »․ ուսումնական երրորդ շրջանի ամփոփում
Մայիսի ․․․՝ Հանրապետության օրեր․Հայացք բարձունքից
Մայիսի ․․․-հունիսի ․․․՝ ուսումնական չորրորդ շրջան․ փառատոնային ճամբարներ
- Հակաբացիլ Կոմիտաս
Աշխատանքային նախագիծ՝ 27․06-30․06
Հունիսի 27՝ երկուշաբթի
11:00-13։30 Աշխատանք դասվարի հետ
13:30-14:30 Ամառային լողափ
15:00-15:30 Ճաշ
15։30 -16:15 Զբոսանք բակում
16:30-17։00 Դասարանի կարգի բերում և սովորողների ճանապարհում Հարավային դպրոցից
Читать далее «Աշխատանքային նախագիծ՝ 27․06-30․06»Fashion ցուցադրություն և ջրային խաղեր.հունիսիկ
Այս անգամ սովորողները ներկայացրեցին իրենց ամառային լողափը՝ լողափնյա ուրախ fashion ցուցադրությամբ և խաղերով։
Реклама
«Ջա՜ն, լողափ» լողափային գործունեության ստուգատես
Օրը՝ 23.06.2022
Ժամը՝ 11:00
Մասնակիցները՝ Հարավային դպրոց-պարտեզի 5-6 տարեկաններ
Պատասխանատուներ՝ Գայանե Թորոսյան, Անի Հակոբյան
Անցկացման վայրը՝ Հարավի ամառային լողափ
Նպատակը՝ լողալու հմտությունների ցուցադրում, լողափնյա խաղերի շքերթ
Ծրագրում`
- 6 տարեկանների լողափ-fashion ցուցադրություն
- լողափնյա խաղեր
- լողափնյա մարմնամարզություն
- ցնցուղ, լող
Ընթացքը՝
fashion-ցուցադրություն՝ սովորողները ցուցադրում են իրենց լողազգեստները, լողի պարագաները, պառկում սրբիչներին, թիթիզանում-լուսանկարվում:
Լողափնյա խաղեր՝
Խաղ 1
Սովորողները բաժանվում են 2 խմբի: Յուրաքանչյուր խմբից 1 սովորող թասիկը ձեռքին վազելով մոտենում է ջրով լի դույլին,թասիկով ջուր վերցնում, վազելով հետ է վերադառնում` թասիկի ջուրը դատարկելով դատարկ դույլի մեջ, դատարկ թասիկը փոխանցում է ընկերոջը:
Խաղ 2
Սովորողներն իրար հետևից շարքով նստում են գետնին։ Առաջին նստած սովորողի մոտ դրվում է դույլով ջուր, իսկ վերջին սովորողի մոտ՝ դատարկ դույլ։ Փոքրիկ թասիկով (կամ բաժակով) սովորողը վերցնում է ջուրը և այն գլխի վրայով առանց ետ նայելու, փոխանցում է հետևում նստած սովորողին։ Այդպես փոխանցելով առջևի դույլի միջի ջուրը պետք է լցվի հետևում դրված դատարկ դույլի մեջ։
Անհրաժեշտ պարագաներ՝
- լողազգեստ
- ռետինե գլխարկ
- լողաթափեր
- սրբիչ
- դույլեր, պլաստմասե բաժակներ
Աշխատանքային նախագիծ՝ 20․06-24․06
Հունիսի 20՝ երկուշաբթի
9։00-13։30 Փոխարինում դասվարին
13:30-14:30 Ամառային լողափ
15:00-15:30 Ճաշ
15։30 -16:15 Զբոսանք բակում
16:30-17։00 Դասարանի կարգի բերում և սովորողների ճանապարհում Հարավային դպրոցից
Читать далее «Աշխատանքային նախագիծ՝ 20․06-24․06»Հարսանի՜ք է, հարսանի՜ք
Առավոտյան, բարձր տրամադրությամբ, սկսեցինք մեր հարսանիքը՝ փեսայի գովքով, կարմիր-կանաչ կոսպանդ հագցնելով։ Հետո փեսայի ու հարսանքավորների հետ,երգով- պարով, գնացինք հարսի հետևից։ Գովեցինք հարսին, ազգային երգով, պարով ու լողափով նշեցինք մեր ծիսական հարսանիքը։
Հակոբյան Անի 